Преку зборот и божјиот благослов пренесен од свештениците при Македонската Православна Црква „Свети Атанасиј” од Неготино и со симболичното закројување на виновата лоза од страна на Претседателот на Република Македонија Ѓорѓе Иванов, во нашиот град започнаа активностите по повод одбележувањето на верскиот празник „Св. Трифун” - заштитникот на лозаропроизводителите и винарите. Големото присуство на граѓаните на овој чин, говореше за важноста на овој ден за нашите луѓе и за ова поднебје, кое од искон до денес е познато по лозарството и винарството, традиција која се негува до денешен ден.

ПОЧИТУВАН ПРЕТСЕДАТЕЛ НА РЕПУБЛИКА МАКЕДОНИЈА ЃОРЃЕ ИВАНОВ, ПОЧИТУВАНИ ЕКСЕЛЕНЦИИ ОД ДИПЛОМАТСКИОТ КОР ВО ЗЕМЈАВА, ПРЕТСТАВНИЦИ НА ЦЕНТРАЛНАТА И ЛОКАЛНАТА ВЛАСТ, ГРАЃАНИ НА ОПШТИНА НЕГОТИНО И ГОСТИ ОД ЗЕМЈАВА И СТРАНСТВО – ДОБАР ДЕН И НЕКА НИ Е ЗА МНОГУ ГОДИНИ ЧЕСТВУВАЊЕТО НА ПРАЗНИКОТ „СВ. ТРИФУН” А НА ПРАВОСЛАВНИТЕ ХРИСТИЈАНИ ЧЕСТИТ ПРАЗНИК „ПРОЧКА”.

   Во организација на локалната самоуправа, во просториите на Туристичкиот – инфо центар и со присуство на претставници од општините со кои Неготино има воспоставено соработка, се одржа Интернационален форум на тема „Европските искуства во развојот на туризмот”. Форумот го отвори м-р Лолита Ристова – раководител на одделението за развој на општина Неготино која наедно и изврши презентација на туристичките капацитети со кои располага нашата општина.