ЈАВНИ НАБАВКИ

Отворено со Вас

Службен гласник

Beeconomy

Влада на Р.Македонија

Моја - општина

Здружение на К.И на Р.М

  www.zki.org.mk

Народен правобранител

Skopjediem

Општина Неготино
Апел до моторизираните граѓани од општина Неготино PDF Печати

   Во пресрет на започнувањето на одржувањето на 3-дневната стопанско-туристичка манифестација „Неготински панаѓур-2018г.“ најголема и најпосетена во Република Македонија и со традиција подолга од 6 децении, од локалната самоуправа Неготино се апелира до граѓаните на неготинска општина доколку тоа не е неопходно, во деновите од панаѓурот да не излегуваат со своите возила. Ова од причина што годинава панаѓурот се одржува во деновите од викендот и се очекува масовна посетеност на граѓани од други општини од нашата држава, па со цел да бидеме добри домаќини на овој настан, потребно е да ослободиме простор за паркирање на возилата на посетителите што ќе доаѓаат од страна. Општо познато е дека Неготино со години наназад се соочува со проблемот од недостиг на паркинг-простор, проблем кој за актуелното општинско раководство е еден од приоритетите за решавање и надминување на актуелните состојби, па токму затоа се замолуваат граѓаните во наредните 3 дена да се воздржат од излегување со автомобили. Исто така, се информираат граѓаните, од вечерва (четврток) па се до завршувањето на панаѓурот во недела, да не ги паркираат своите возила долж улиците Јане Сандански, Ацо Аџи Илов и на градскиот пазар, односно во централното градско подрачје. Имајќи предвид дека деновите од панаѓурот се денови за другарување, забава и релаксација, се апелира до граѓаните на Неготино уште еднаш, како и многупати до сега, на дело да ја демонстрираат својата гостопримливост и да дадат сопствен придонес општина Неготино да биде добар домаќин и добар организатор на годинашниот Неготински панаѓур. Од име на локалната самоуправа, на сите граѓани од неготинска и од соседните општини, како и на сите посетители кои ќе присуствуваат во нашиот град, им посакуваме да поминат пријатни моменти за времетраењето на Неготинскиот панаѓур и престојот во Неготино.

 
„Европска недела на безбедност“-„Ден без автомобили“ во Неготино PDF Печати

   Неготино денеска беше еден од 2.500-те градови во Европа во кои се одржа акцијата „Ден без автомобили“ во рамките на одбележувањето на „Европската недела на безбедност“. Целта на оваа активност е да се предлагаат и тестираат иновативни сообраќајни решенија, нови технологии и мерки за планирање на урбаниот транспорт со цел за намалување на употребата на автомобили и редуцирање на емисиите на штетни гасови во воздухот. Денешниот настан општина Неготино го реализираше во соработка и со поддршка на Министерството за животна средина и просторно планирање кој годинава се одржува под мотото „Комбинирај и движи се“, а како партнери во проектот се јавуваат Европската делегација во Македонија и ЕУ Инфоцентарот од Скопје. На овој ден традиционално беше затворена по една или повеќе улици во градот за сообраќај и се резервираат за движење на велосипедисти, пешаци или за јавен транспорт. Денеска во Неготино во период од 2 часа додека трае активноста учесниците се движеа по улиците Маршал Тито, Партизанска и Баба Ана Ташева и завршија на градскиот плоштад каде е планирано да заврши предвидената маршрута, а во настанот се вклучи и градоначалникот на општина Неготино Тони Делков.

Повеќе...
 
Заменети прозорците во спортската сала на ООУ„Гоце Делчев“ PDF Печати

   На иницијатива на директорот на оваа образовна установа Петар Мантев, деновиве во Основното општинско училиште „Гоце Делчев“ беше извршено поставување на нови прозорци на местото на старите во училишната спортска сала во која секојдневно часови по предметот физичко образование наставата ја следат стотици ученици. Како што дополнува Мантев, салата постои од 1972 година од кога е започнато и функционирањето на училиштето, а замената на прозорците ќе придонесе за создавање подобри услови за непречено и квалитетно одвивање на наставата по физичко и здравствено образование.

Повеќе...
 
Во среда (19.07.) на старата градска чаршија ќе се одржи „Неготинска музичка вечер“ PDF Печати

Во рамките на 6-дневната програма што општина Неготино ја подготви и ќе ја реализира во периодот од 18-ти до 23-септември (вторник-недела), во среда на старата градска чаршија ќе се одржи “Неготинска музичка вечер“. На вечерта која ќе изобилува со музика и забава за сите генерации ќе настапат босанската музичка sвезда Амар Гиле, Бени Шаќири и DJ COSMO Z. Настанот започнува во 21,00 часот, а организаторот упатува покана до сите заинтересирани граѓани од општина Неготино и поширокиот регион да присуствуваат на „Неготинската музичка вечер“.


View on YouTube
 
Во среда (19.09.) во Неготино одбележување на „Ден без автомобили“ PDF Печати

   Општина Неготино и градоначалникот Тони Делков активно ќе се вклучат во одбележувањето на „Европската недела на мобилност“ што се спроведува во соработка со Министерството за животна средина и просторно планирање, а по тој повод се покануваат сите заинтересира граѓани да се вклучат во активноста која во нашиот град ќе се спроведе во среда на 19-ти овој месец. Настанот кој ќе се одвива под мотото „Комбинирај и движи се“ ќе започне од 11,00 часот со старт кај Музејот на град Неготино, со движење по ул„Партизанска“, “Баба Ана Ташева“ и повторно назад по ул„Маршал Тито“ до градскиот плоштад каде е предвидено завршување на маршрутата. Учество ќе земат ученици од основните и средното училиште, граѓани, претставници од Советот за млади, административци, Здруженија на граѓани и сите заинтересирани граѓани кои ќе се возат на велосипеди и други алтернативни превозни средства до 13,00 часот.

Повеќе...
 
Денеска (понеделник 17.09.) ќе се одржи седница на Советот на општина Неготино PDF Печати

 Денеска со почеток од 16,00 часот Советот на општина Неготино ќе ја одржи 16-тата седница на која на дневен ред се 12 точки по кои советниците ќе расправаат и ќе носат закучоци, одлуки и решенија. Се очекува да бидат разгледани и усвоени годишниот извештај за работа и годишната програма за работа на СОУ Св. Кирил и Методиј, ООУ Гоце Делчев и Страшо Пинџур и музичкото училиште Владимир Арсовски од нашиот град. На дневен ред ќе се најде и предлог-заклучокот за усвојување на извештајот за состојбите со јавната безбедност, јавниот ред и мир, безбедноста на сообраќајот на патиштата за првата половина од 2018-та година од МВР-ПС од општа надлежност-Неготино, предлог-решението за давање согласност за измени и дополнувања на правилникот за систематизација на работните места во градинката Фемо Кулаков, а советниците ќе расправаат и по други прашања од делокругот на работата на Советот на општина Неготино.

 
<< Почеток < Пред 1 2 3 4 5 6 7 8 9 10 Следно > Крај >>

Лист 7 од 173