Соопштенија
Апел до граѓаните на општина Неготино да ги почитуваат мерките за заштита од КОВИД 19 PDF Печати
Почитувани, 

Согледувајќи ги податоците презентитани од страна на Министерството за здравство и Комисијата за заразни болести, бројот на заболени во нашата држава се уште е релативно висок. 

Имено, мерките дадени од страна на надлежните институции , периодов е забележано  дека доволно не се почитуваат од страна на нашите сограѓани и воедно упатувам апел до сите граѓани, институции во општина Неготино максимално да ги почитуваме и да се придржуваме до препораките од Министерството за здравство со цел намалување на ризикот од ширење на Корона вирусот. 

Покрај мерките за задолжително носење на маска на места каде не може да се држи растојание, редовно миење или дезинфицирање на рацете, апелирам , граѓаните без поголема потреба да не се собират и групираат во поголем број.

Затоа, потребно е да покажеме највисоко ниво на самосвест и заедничка одговорност, дека знаеме, можеме и умееме да се справиме со овој предизвик.

Почитувајте ги мерките на Владата, бидејќи само така ќе успееме да го заштитиме колективното здравје. 

Јавното здравје е заедничка одговорност. Од нас зависи !
 
До недела (19.07.2020) ќе нема вода за полевање на дворните површини PDF Печати
   Од ЈП Комуналец ги информираат граѓаните на општина Неготино дека поради потребата од итно и неодложно интервентно чистење на каналската мрежа од алги од страна на ВРО Тиквешко поле, во деновите од петок (17.07.2020) до недела (19.07.2020) во прекин ќе биде снабдувањето со вода за полевање на дворните површини. Редовното снабдување продолжува веќе од понеделник 20.07.2020 година.
 
С О О П Ш Т Е Н И Е PDF Печати
Се известуваат граѓаните кои гласаат во зградата на Општина Неготино (Собрание) – Избирачки места 1217 и 1218 дека се врши промена на просториите за гласање, и тоа:

ИЗБИРАЧКО МЕСТО 1217 – наместо во ходникот пред Големата сала на Советот, гласањето ќе се спроведе во просторијата на Управата за јавни приходи

ИЗБИРАЧКО МЕСТО 1218 – наместо во просторијата на Управата за јавни приходи, гласањето ќе се спроведе во ходникот пред Големата сала на Советот

Замената на просториите се врши поради прилагодување на условите за гласање, а врз основа на бројот на гласачите во соодветните избирачки места кои се запишани во Избирачкиот список.



                                                    ДРЖАВНА ИЗБОРНА КОМИСИЈА
                                                          Канцеларија Неготино

 
С О О П Ш Т Е Н И Е PDF Печати
Се известуваат граѓаните на Општина Неготино дека Државната изборна комисија изврши промена на опис на три избирачки места во оваа општина и тоа:

ИЗБИРАЧКО МЕСТО 1213 – наместо во ГРАДСКАТА БИБЛИОТЕКА, гласањето ќе се спроведе во СПОРТСКАТА САЛА НА ОУ „СТРАШО ПИНЏУР “ во Неготино

ИЗБИРАЧКО МЕСТО 1224 – наместо во ДОМОТ НА ПЕНЗИОНЕРИ, гласањето ќе се спроведе во ЦЕНТАРОТ ЗА КУЛТУРА „ АЦО ЃОРЧЕВ “ (ГАЛЕРИЈАТА НА КИНОТО) во Неготино

ИЗБИРАЧКО МЕСТО 1229 – наместо во Основното училиште во село ВЕШЈЕ, гласањето ќе се спроведе во ДЕЛ ОД ИНДИВИДУАЛЕН СТАНБЕН ОБЈЕКТ (КУЌА) НА ДОБРИЦА ТОДОРЧЕВСКА (кој се наоѓа веднаш наспроти објектот на училиштето)



                                                                            ДРЖАВНА ИЗБОРНА КОМИСИЈА
                                                                                Канцеларија Неготино



 
С О О П Ш Т Е Н И Е PDF Печати
Врз основа на член 35 став 3 од Законот за просторно и урбанистичко планирање (Сл.Весник на РМ бр.199/14, 44/15, 193/15, 31/16, 163/16, 64/18 и 168/18), член 50 точка 4 од Законот за локална самоуправа ("Сл.весник на РМ" бр.5/02), донесената Годишна програма за изработување на урбанистички планови на Општина Неготино за 2020 година   од Совет на Општина Неготино, Градоначалникот на Општина Неготино го дава следното:

                                С О О П Ш Т Е Н И Е
за организирање на јавна презентација и јавна  анкета за архитектонско- урбанистички проект за формирање на градежна парцела со намена Г2-Лесна и незагадувачка индустрија, согласно со Општ акт за село Тимјаник , на КП бр 3007/8, КО Тимјаник, општина Неготинo



Граници на опфатот сe: од северната страна граничи со новопланирана улица 1, од западната страна граничи со дел од КП 3007/8, од јужната страна граничи со КП 3007/10, од источната со КП 3007/3. Пристап во парцелата е обезбеден од северната страна (ново планирана улица 1).
Опфатот е со површина  од  1546м2.
Јавната анкета и јавната презентација за архитектонско- урбанистички проект за формирање на градежна парцела со намена Г2-Лесна и незагадувачка индустрија, согласно со Општ акт за село Тимјаник , на КП бр 3007/8, КО Тимјаник, општина Неготино,  со технички број  0213-12/19 од  февруари  2020 година, изработен од „ТИПИНГ“  дооел Велес, ќе се спроведе со излагање на планот во просториите на  општина Неготино.
Јавната анкета ќе трае 5  (пет) работни денови и тоа   од  23.06.2020 година  до 29.06.2020 година,   секој работен ден од 8.00 до 16.00 часот.
Во споменатиот рок, заинтересираните граѓани и правни лица од конкретното подрачје опфатено со АУП, можат да доставуваат писмени забелешки,  предлози и мислења на анкетните листови.
Јавната презентација со стручно презентирање на АУП ќе се одржи на ден 25.06.2020 година  во  12:00 часот во просториите на општина Неготино.
 
С О О П Ш Т Е Н И Е PDF Печати
Врз основа на член 35 став 3 од Законот за просторно и урбанистичко планирање (Сл.Весник на РМ бр.199/14, 44/15, 193/15, 31/16, 163/16, 64/18 и 168/18), член 50 точка 4 од Законот за локална самоуправа ("Сл.весник на РМ" бр.5/02), донесената Годишна програма за изработување на урбанистички планови на Општина Неготино за 2020 година   од Совет на Општина Неготино, Градоначалникот на Општина Неготино го дава следното:

                             С О О П Ш Т Е Н И Е
за организирање на јавна презентација и јавна  анкета за Предлог план - ДУП за Урбана заедница 5, дел од урбан блок 5.3 (помеѓу улиците "Ацо Аџи Илов", „Коста Волкановски“,“Владо Арсов Шпанац “ и „Пешо Самарџиев“), Општина Неготино

Граници на опфатот сe: на север по оската на улиците "Ацо Аџи Илов", на исток по осовината на улица „Коста Волкановски“ („Марксова“), на југ по оска на улица „Владо Арсов Шпанац“ и на западната страна по осовината на улица "Пешо Самарџиев".
Опфатот е со површина  од  1,67 ха.
Јавната анкета и јавната презентација за Предлог планот - ДУП за Урбана заедница 5, дел од урбан блок 5.3 (помеѓу улиците "Ацо Аџи Илов", „Коста Волкановски“,“Владо Арсов Шпанац “ и „Пешо Самарџиев“), Општина Неготино со технички број  04-121/2020 од  јуни, 2020 година, е изработен од Трговско друштво за проектирање инженеринг градба и консалтинг ПАРАМЕТАР ДООЕЛ увоз-извоз Скопје, ќе се спроведе со излагање на планот во просториите на  општина Неготино.
Јавната анкета ќе трае 10  (десет) работни денови и тоа   од  23.06.2020 година  до 06.07.2020 година,   секој работен ден од 8.00 до 16.00 часот.
Во споменатиот рок, заинтересираните граѓани и правни лица од конкретното подрачје опфатено со планот, можат да доставуваат писмени забелешки,  предлози и мислења на анкетните листови.
Јавната презентација со стручно презентирање на планот ќе се одржи на ден 24.06.2020 година  во  12:00 часот во просториите на општина Неготино.
 
СООПШТЕНИЕ PDF Печати
   ЛОКАЛНА САМОУПРАВА НЕГОТИНО СОГЛАСНО СО ГОДИШНАТА ПРОГРАМА ЗА СПРОВЕДУВАЊЕ НА ОПШТИ МЕРКИ ЗА ЗАШТИТА НА НАСЕЛЕНИЕТО ОД ЗАРАЗНИ БОЛЕСТИ И ОПЕРАТИВНИОТ ПЛАН ЗА ДДД ЗА ОПШТИНА НЕГОТИНО ЗА 2020ГОДИНА, ГИ ИНФОРМИРА ГРАЃАНИТЕ НА ОПШТИНА НЕГОТИНО ДЕКА ВО ТЕКОТ НА   ДЕН 12 ЈУНИ (ПЕТОК ) ПОЧНУВАЈЌИ ОД ВЕЧЕРВА НА ПОЛНОЌ ЌЕ СЕ ИЗВРШИ ПРЕВЕНТИВНА ДЕЗИНСЕКЦИЈА НА КРИТИЧНИ ТОЧКИ НА ЈАВНИ ПОВРШИНИ СО МАШИНСКО РАСПРСКУВАЊЕ СО ПРЕПАРАТОТ АКВА-КОТРИН ОД СТРАНА НА СТРУЧНИ ЛИЦА ОД ЗОТОКС ДООЕЛ Скопје  ПОД НАДЗОР НА ЦЕНТАРОТ ЗА ЈАВНО ЗДРАВЈЕ ОД ВЕЛЕС. СО ПРСКАЊЕТО ЌЕ БИДАТ ОПФАТЕНИ 4 ЛОКАЦИИ И ТОА - КЕЈОТ НА ТИМЈАНИЧКА РЕКА, БРЕСТИН ДОЛ, МАРЕНСКИ ПОРОЈ И ПОТЕГОТ ОД КРИВОЛАК ДО ЖЕЛЕЗНИЧКА СТАНИЦА И СИТЕ НАСЕЛЕНИ МЕСТА.
СЕ ИНФОРМИРААТ ГРАЃАНИТЕ И ЗДРУЖЕНИЈАТА КОИ ОДГЛЕДУВААТ ПЧЕЛИ И ДРУГИ ВИДОВИ ЖИВОТНИ ДА ГИ ПРЕЗЕМАТ СИТЕ НЕОПХОДНИ МЕРКИ ЗА НИВНА ЗАШТИТА.
 
До 30-ти јуни вежбовни боеви активности на АП Криволак PDF Печати
   Командата на Гарнизонот на Армискиот полигон Криволак го известува месното население дека во периодот до 30-ти овој месец на повеќе реони на полигонот ќе се изведуваат вежбовни боеви активности. Поради безбедно изведување на планираните вежбовни активности, во наведениот период се забранува секакво движење и престој на луѓе, моторни возила и стока во овие реони, како и земање или допирање на неексплодирани проектили или средства кои можат да бидат опасни по животот на граѓаните. Доколку се пронајдат такви средства, потребно е да се известат надлежните од АП Криволак или во најблиската полициска станица. Вежбалиштата на кои ќе се изведуваат боевите гаѓања ќе бидат видно одбележани согласно законските прописи на АРМ, а ќе биде присутно и физичко обезбедување.
 
Вонредна седница на Советот на општина Неготино 29.05.2020 година PDF Печати
Р   Е   Ш   Е   Н   И   Е За свикување на единаесеттата     вонредна  седница на Советот на општина Неготино
Вонредната седница ќе се одржи во Големата сала на општина Неготино   на ден 29.05.2020 година      ( петок) во 12 часот .      За седницата го предлагам следниот


Д Н Е В Е Н    Р Е Д

1.    Предлог – Програма за изменување и дополнување на Програмата за изработка на  урбанистички планови на просторот  на општина Неготино за 2020 година
2.    Предлог- Програма за изменување и дополнување на Програмата за комунални дејности и уредување на градежно земјиште на просторот на општина Неготино за 2020 година
3.    Предлог- Програма за изменување и дополнување на Програма за енергетска ефикасност  за 2020 година
4.    Предлог- Програма за изменување и дополнување на Програмата за култура, спорт и подршка на здруженија и фондации во 2020 година
5.    Предлог- Одлука за измени и дополнување на Буџетот на општина Неготино за 2020 година( прв ребаланс)       
 
ЈАВЕН ПОВИК бр.01/2020 за надоместување на дел од трошоците на граѓаните на подрачјето на општина Неготино за купување велосипеди за 2020 година PDF Печати

О П Ш Т И Н А    Н Е Г О Т И Н О
Градоначалникот на општина Неготино врз основа на член 50 став 1 точка 16 од Законот за локалната самоуправа (“Службен весник на РМ“ бр.05/2002) и согласно Програмата за култура, спорт и поддршка на здруженија и фондации во 2020 година бр.08-685/7 од 30.12.2019 година („Службен гласник на општина Неготино“  бр.18/2019)  објавува
ЈАВЕН ПОВИК бр.01/2020 за надоместување на дел од трошоците на граѓаните на подрачјето на општина Неготино за купување велосипеди за 2020 година

Повеќе...
 
Седница на Совет на општина Неготино 18.05.2020 година PDF Печати
Врз основа на чл.  2 од Законот за локална самоуправа  Сл.весник на РМ бр.5/02), член  76 од Статутот на општина Неготино  (,, Сл.гласник на општина Неготино  брr.3/06, 2/11, 9/11, 16/12 и 16/14и член  57 став 1 од Деловникот на општина Неготино (,,Сл.гласник на  Општина Неготино “бр.3/06 и 2/11), Претседателот на Советот на Општина Неготино ја свикува    триесет и седмата      редовна седница на Советот на општина Неготино.
    Седницата ќе се одржи во Големата сала на општина Неготино на ден 18.05.2020 година   (понеделник) во  12,00 часот.
    За седницата го предлагам следниот

                               Д Н Е В Е Н   Р Е Д

1.    Предлог – Програма за измена и дополнување на Програмата за изработка на урбанистички планови на просторот на општина Неготино за 2020 година
2.    Предлог – Програма за изменување и дополнување на Програмата за поставување на урбана опрема на територијата на општина Неготино
3.    Предлог – Одлука за донесување на измена и дополнување на детален урбанистички план за УЗ 1 дел од блок 3, КО Неготино , Општина Неготино  
4.    Предлог- Одлука за утврдување на потребата од донесување на урбанистичка планска документација за вклопување на бесправно изградени објекти во урбанистичко планска документација
5.    Предлог- Заклучок за усвојување на Извештајот за извршување на Програмите на општина Неготино за 2019 година
6.    Предлог – Заклучок за усвојување на првиот квартален извештај на извршување на Буџетот на општина Неготино за 2020 година
7.    Предлог – Решение за давање согласност на Статутот на ООУ ,,Страшо Пинџур,, Неготино
8.    Предлог- Решение за давање согласност на Годишниот план за вработување за 2021 година на ООУ ,,Гоце Делчев,, Неготино
9.    Предлог- Заклучок за усвојување на Годишниот извештај за работа на ОУ Музеј на град Неготино
10.    Предлог- Заклучок за усвојување на Годишниот извештај за работа на Отворениот граѓански универзитет за доживотно учење ,,Неготино,,- Неготино за 2019 година
 
<< Почеток < Пред 1 2 3 4 5 6 7 8 9 10 Следно > Крај >>

Лист 9 од 31