Соопштенија


Препораки од општина Неготино до населението во интерес на јавното здравје PDF Печати
   Општина Неготино ги известува граѓаните од нашата општина дека во врска со препораките од Владата, во интерес на јавното здравје и преземање мерки и активности за превенција и заштита од ширење на корона вирусот, се советува да се редуцираат посетите во просториите на локалната самоуправа. При евентуална посета на општината, се препорачува да се избегнуваат директни контакти при поздравување со вработените и да се избегнува долго задржување во просториите, како и да се одржува пристојно растојание од најмалку 1 метар при средба/разговор со вработените или останатите присутни. Исто така се препорачува, доколку тоа е можно, граѓаните своите потреби од услуги од општината да ги остварат најпрво преку телефонски контакт на бројот 043-361-045 или по електронски пат, а доколку доаѓањето во зградата на општината е неопходно, документацијата, барањата и слично да се доставуваат во просторијата на Граѓанско информативниот центар лоциран во приземјето на зградата на локалната самоуправа. Општина Неготино Ви благодари за препознавањето на важноста на заштитата на сопственото здравје, како и на здравјето на другите и за придржувањето кон овие упатства.


 
До 31-ви март на АП Криволак ќе се изведуваат вежбовни боеви активности PDF Печати

   Поради безбедносно изведување на планираните вежбовни активности, Командата на Гарнизонот на Армискиот полигон Криволак го известува месното население дека во периодот до 31-ви овој месец на повеќе реони на полигонот ќе се изведуваат вежбовни боеви активности. Токму затоа, во наведениот период се забранува секакво движење и престој на луѓе, моторни возила и стока во овие реони, како и земање или допирање на неексплодирани проектили или средства кои можат да бидат опасни по животот на граѓаните. Доколку се пронајдат такви средства, потребно е да се известат надлежните од АП Криволак или во најблиската полициска станица. Стрелиштето на кое ќе се изведуваат боевите гаѓања ќе биде видно одбележано согласно законските прописи на АРМ, а ќе биде присутно и физичко обезбедување.

 
Вонредна седница на Советот на општина Неготино 28.02.2020 година PDF Печати
Р   Е   Ш   Е   Н   И   Е За свикување на осматта    вонредна  седница на Советот на општина Неготино
Вонредната седница ќе се одржи во Големата сала на општина Неготино на ден 28.02.2020 година ( петок)  во 15.00  часот.
За седницата го предлагам следниот


                                                Д Н Е В Е Н  Р Е Д

1.    Предлог – Акционен план за реализација на активности од енергетска ефикасност на општина Неготино за 2020 година      
2.    Предлог – Одлука за определување на ширина на крајбрежен појас на река ,,Неготинска река,, во опфатот на Генералниот урбанистички план за Неготино
 
С О О П Ш Т Е Н И Е за организирање на јавна презентација и јавна анкета за Предлог - ДУП за УЗ 3 дел од УБ 3.1 (помеѓу улиците „Едвард Кардељ“, „Енгелсова“, „Македонски Бранители“ и Обиколница), општина Неготино PDF Печати
Врз основа на член 35 став 3 од Законот за просторно и урбанистичко планирање (Сл.Весник на РМ бр.199/14, 44/15, 193/15, 31/16, 163/16, 64/18 и 168/18), член 50 точка 4 од Законот за локална самоуправа ("Сл.весник на РМ" бр.5/02), донесената Годишна програма за изработување на урбанистички планови на Општина Неготино за 2020 година   од Совет на Општина Неготино, Градоначалникот на Општина Неготино го дава следното:


С О О П Ш Т Е Н И Е
за организирање на јавна презентација и јавна  анкета за Предлог - ДУП за УЗ 3 дел од УБ 3.1 (помеѓу улиците „Едвард Кардељ“, „Енгелсова“, „Македонски Бранители“ и Обиколница), општина Неготино


Граници на опфатот сe: на север по осовината на улица " Едвард Кардељ", на исток по осовината на улица „Енгелсова”, на југ осовината на улица "Македонски Бранители” и на запад е осовината на Обиколницата.
Опфатот е со површина  од  1,7 ха.
Јавната анкета и јавната презентација за Предлог- ДУП за УЗ 3 дел од УБ 3.1 (помеѓу улиците „Едвард Кардељ“, „Енгелсова“, „Македонски Бранители“ и Обиколница), општина Неготино со технички број  04-53/2020 од  февруари, 2020 година, изработен од Трговско друштво за проектирање инженеринг градба и консалтинг ПАРАМЕТАР ДООЕЛ увоз-извоз Скопје, ќе се спроведе со излагање на планот во просториите на  општина Неготино.
Јавната анкета ќе трае 10  (десет) работни денови и тоа   од  28.02.2020 година  до 12.03.2020 година,   секој работен ден од 8.00 до 16.00 часот.
Во споменатиот рок, заинтересираните граѓани и правни лица од конкретното подрачје опфатено со планот, можат да доставуваат писмени забелешки,  предлози и мислења на анкетните листови.
Јавната презентација со стручно презентирање на планот ќе се одржи на ден 03.03.2020 година  во  14:00 часот во просториите на општина Неготино.
 
 
И З В Е С Т У В А Њ Е PDF Печати
Се известуваат потрошувачите од улиците:„ЈНА“, „Марксова„ „25 Мај“, „Кирил и Методиј“,„Борис Кидриќ“, Пиринска“, Вардарска“„Ѓоко Мишев“ „Вано Ташев“„Вељко Влаховиќ“, „Едвард Кардељ“ „Илинденска“дел од „Ќиро Крстев“ дека поради дефект на улична водоводна линија на ул.„Вељко Влахопвиќ“ денес 17.02.2020 (понеделник) , ќе имаат прекин во водоснабдувањето до санирање на дефектот
Молиме за разбирање
датум                                                              Ј.П.„Комуналец“- Неготино
17.02.2020г.

 
<< Почеток < Пред 1 2 3 4 5 6 7 8 9 10 Следно > Крај >>

Лист 7 од 52